Eleccións 2026
Proceso electoral da Federación Galega de Salvamento e Socorrismo
De acordo coa normativa vixente, a Federación Galega de Salvamento e Socorrismo iniciará o proceso electoral 2026 conforme ao establecido na lexislación deportiva autonómica e nas instrucións da Secretaría Xeral para o Deporte.
O proceso rexerase, entre outra normativa, polo Decreto 16/2018, do 15 de febreiro, polo que se establecen as bases e os criterios para a elaboración dos regulamentos electorais que deben rexer a realización dos procesos electorais nas federacións deportivas galegas, así como polas súas modificacións posteriores.
Nesta sección publicarase toda a información oficial relacionada co proceso electoral: convocatoria, regulamento electoral aprobado, calendario, censos, resolucións e comunicacións da Xunta Electoral.
Accións subvencionables
O Plan Corresponsables subvenciona actuacións de nova creación ou a ampliación e mellora das xa existentes, dirixidas a nenos e nenas menores de 16 anos, a través de actividades vinculadas ao salvamento deportivo.
A duración total do Plan é de tres meses, comprendendo o período de outubro a novembro.
As actividades ofértanse por horas independentes, adaptándose á dispoñibilidade e necesidades das familias.
Procedemento de acceso e inscrición
A xestión das prazas e a inscrición realizarase da seguinte maneira:
- Publicaranse na páxina web da FESSGA e noutros medios de comunicación todas as ofertas dispoñibles.
- As persoas interesadas deberán cubrir o formulario do grupo correspondente, indicando os datos persoais e seleccionando o día e hora desexados.
- Cada actividade contará cun número limitado de prazas —entre 6 e 15 participantes— para garantir grupos reducidos e atención personalizada.
- No caso de que as solicitudes superen o número de prazas dispoñibles, aplicarase a seguinte orde de prioridade:
- Familias monomarentais ou monoparentais.
- Mulleres vítimas de violencia de xénero ou doutras formas de violencia contra a muller.
- Mulleres en situación de desemprego de longa duración.
- Mulleres maiores de 45 anos.
- Familias con outras cargas relacionadas cos coidados.
- Familias monomarentais ou monoparentais.
5. Os grupos formaranse inicialmente por idade, e posteriormente por nivel deportivo.
Consulta de actividades
Podes consultar as datas e horarios de cada actividade seleccionando a localización na que teñas interese. As ofertas poderán actualizarse segundo avance o Plan, incorporando novas propostas ou modificando as existentes.